Mae Plant yng Nghymru yn gyd-noddwr y prosiect Cyrraedd y Nod sy’n cefnogi pobl ifanc i ennill sgiliau ar gyfer dysgu a chyflogaeth drwy brofiad gwaith a chyfleoedd yn y gymuned.
Rydym wedi datblygu nifer o gyrsiau hyfforddiant, a ariannir drwy Raglen Cydgyfeirio Cronfa Gymdeithasol Ewrop 2007-13, a rydym yn falch i gynnig lleoedd AM DDIM i ymarferwyr sy’n gweithio’n unig neu’n bennaf mewn ardal Cydgyfeirio Gorllewin Cymru a’r Cymoedd (ee, Ynys Môn, Conwy, Sir Ddinbych, Gwynedd, Ceredigion, Sir Gaerfyrddin, Sir Benfro, Abertawe, Castell-nedd Port Talbot, Pen-y-bont ar Ogwr, Rhondda Cynon Taf, Merthyr Tudful, Blaenau Gwent, Caerffili, Torfaen). Gall cyrsiau tebyg fod ar gael ar gyfer rhai sy’n gweithio mewn ardaloedd eraill o Gymru; cysylltwch â Plant yng Nghymru i gael manylion pellach os gwelwch yn dda ar 029 2034 2434.
Gall Plant yng Nghymru ofyn am dystiolaeth eich bod yn gweithio mewn ardal Cydgyfeirio, yn neilltuol os ydych yn gweithio ar draws Cymru.
Mae cofrestru ar sail cyntaf i’r felin ac mae nifer y lleoedd yn gyfyngedig, felly fe’ch cynghorir i archebu’n gynnar. Dim ond un aelod o staff o bob sefydliad all fynychu. I osgoi siom ar y dydd, gofynnir i chi sicrhau eich bod wedi derbyn cadarnhad o’ch lle cyn mynd i’r lleoliad, a dod â chopi o’ch e-bost cadarnhau gyda chi. Gall Plant yng Nghymru ddymuno cysylltu â chi yn y dyfodol i werthuso ymhellach y cwrs y buoch arno.