Yn ei gyfarfod ar yr 22ain o Hydref, 2008, fe wnaeth y Pwyllgor Menter a Dysgu gymryd tystiolaeth fel rhan o’i waith craffu cyn deddfu ar y Gorchymyn Arfaethedig Drafft (Cymhwysedd Deddfwriaethol) (Llwybrau Di-Draffig) 2009.

Fe glywodd y Pwyllgor oddi wrth gynrychiolwyr Sefydliad Cenedlaethol Brenhinol y Deillion, Cymdeithas Cŵn Tywys y Deillion ac Anabledd Cymru.

Yr oedd pwyntiau a wnaed yn ystod trafodaeth yn cynnwys:

• y mae’r tystion yn cefnogi’r angen i ddatblygu ac i gynnal a chadw llwybrau cerddwyr, a’r egwyddor o lwybrau diogel i feicwyr, fel ei gilydd, ond nid y defnydd cyfun ohonynt;
• fe wna pobl osgoi llwybrau os nad ydynt yn teimlo’n ddiogel;
• y mae’r sefydliadau’n awgrymu cael cysylltiad i ddyletswyddau anabledd a chydraddoldeb neu’r model cymdeithasol o anabledd fel bod yr hyn sy’n deillio o’r Gorchymyn Cymhwysedd Deddfwriaethol yn cael ei gysylltu i mewn i’r polisïau hynny.