Yn ei gyfarfod ar yr 22ain o Hydref, 2008, fe wnaeth y Pwyllgor Cymunedau a Diwylliant graffu ar Gyllideb Ddrafft Llywodraeth Cynulliad Cymru ar gyfer 2009-10 a chymryd tystiolaeth fel rhan o’i ymchwiliad i drais teuluol.

Yr oedd y pwyntiau a wnaed mewn trafodaeth parthed y gyllideb ddrafft yn cynnwys:

• fe ddylai’r £1.5 miliwn tuag at safleoedd newydd ar gyfer Sipsiwn a Theithwyr ddarparu tua un safle newydd y flwyddyn;
• y mae Strategaeth Cydlynu’r Gymuned yn cael ei datblygu, ac fe fydd yn mynd i’r Cabinet o fewn y chwe wythnos nesaf ac wedyn, gobeithio, allan ar gyfer ymgynghori;
• y mae arian ychwanegol wedi’i ddyrannu tuag at ddatblygu canolfannau atgyfeirio ymosodiadau rhywiol yn ystod y 12 i 18 mis nesaf;
• y mae cyllid wedi’i ddyrannu tuag at hyrwyddo rhaglen hysbysu pobl ynglŷn â budd-daliadau;
• y mae yna £0.5 miliwn wedi’i ddyrannu i roi ar waith fesul cam undebau credyd ym mhob ysgol uwchradd;
• y mae yna fuddsoddiad ar gyfer Uned Addysg Ariannol Cymru sydd â’r nod o wella lefel llythrennedd ariannol yng Nghymru.

Fel rhan o’i ymchwiliad i drais teuluol, fe glywodd y Pwyllgor dystiolaeth oddi wrth Garchar Caerdydd, Cymorth i Ddioddefwyr Gwent, y Comisiwn Gwasanaethau Cyfreithiol a Gwasanaeth Hyfforddi ac Ymgynghori Trais Teuluol Sea Change.

Am fanylion llawn, a fyddech cystal â darllen adysgrif y Pwyllgor.