Mae’r Gweinidog dros yr Amgylchedd, Cynaliadwyedd a Thai, Jane Davidson, wedi cyhoeddi’r bwriad i sefydlu safonau cenedlaethol ar gyfer hyfforddiant beicio yng Nghymru mewn ymgais i wella diogelwch a chynyddu nifer y plant a phobl ifanc sy’n beicio.

Bydd Llywodraeth Cynulliad Cymru yn buddsoddi £250,000 i hyfforddi mwy na 100 o hyfforddwyr i addysgu’r safonau newydd hyn ledled Cymru.

Y nod yw cynyddu nifer yr hyfforddwyr sy’n gymwys i ddarparu safon gyson o hyfforddiant a fydd yn paratoi plant ac oedolion i feicio ar y ffyrdd.

Mae rhagor o wybodaeth ar gael ar wefan Llywodraeth Cynulliad Cymru.