Fe lansiodd Plant yng Nghymru Cymru Addas ar gyfer Plant a Phobl Ifanc ym mis Mai 2007. Mae Plant yng Nghymru yn herio pleidiau gwleidyddol i fynd i’r afael â’r prif faterion y cred ein haelodau sydd angen sylw er mwyn gwella bywyd plant a phobl ifanc yn byw yng Nghymru.

Y mae’n argymell amryw o gamau allweddol, gan gynnwys:

• Creu Pwyllgor Craffu trawsbynciol yng Nghynulliad Cenedlaethol Cymru ar gyfer Plant a Phobl Ifanc;
• Creu Pwyllgor dros Blant a Phobl Ifanc yn Llywodraeth Cynulliad Cymru, gyda lefel ddigonol o adnoddau gwasanaeth sifil i’w gynnal ar draws pob agwedd o bortffolios Gweinidogol Llywodraeth Cynulliad Cymru;
• Cryfhau rôl y Gweinidog dros Blant (a phobl ifanc);
• Creu strategaeth i hyrwyddo a gweithredu Confensiwn y Cenhedloedd Unedig ar Hawliau’r Plentyn;
• Adolygu’r cydbwysedd cyffredinol o fuddsoddiad mewn plant;
• Cefnogi gweithio mewn partneriaeth;
• Gwella prosesau caffaeliad;
• Adnoddau digonol ar gyfer polisïau a strategaethau newydd;
• Ystyried strategaeth ymchwil ar gyfer plant a phobl ifanc;
• Mesurau i gefnogi gwasanaethau craidd;
• Cyllido yn ôl yr angen;
• Cadw golwg ar weithredu adroddiadau blaenorol;
• Cefnogaeth ar gyfer rhaglenni ymyrraeth gynnar;
• Sicrhau bod anghenion plant yn ganolog i bolisïau ac ymarfer gofal plant.

Y mae Plant yng Nghymru yn bwriadu trefnu adolygiad hanner ffordd ym mis Mai 2009 i asesu cynnydd.

Fe ellir llwytho i lawr Cymru Addas ar gyfer Plant a Phobl Ifanc drwy glicio ar y ddolen gyswllt ar yr ochr dde.