Y mae Llywodraeth Cynulliad Cymru yn mynd i gyfrannu £106,135 tuag at gynllun peilot sydd â’r nod o ddarparu cyngor ac awgrymu ffyrdd ymarferol y gall awdurdodau lleol fynd i’r afael â thlodi ymysg plant. Y mae’r prosiect peilot, a fydd yn canolbwyntio ar ddau awdurdod lleol, yn amcanu at:

• Sefydlu prosiectau mewn dau awdurdod lleol a fydd yn weithredol am ddeunaw mis a chynorthwyo i nodi ystod o weithredoedd cadarnhaol i fynd i’r afael â thlodi ymysg plant ar lefel leol;
• Cyhoeddi canllaw awdurdodau lleol sy’n darparu cyngor ynglŷn â sut y gall awdurdodau lleol ddefnyddio’u grymoedd i fynd i’r afael â thlodi ymysg plant;
• Ennyn a chefnogi’r holl gynghorau yng Nghymru i ddefnyddio’u grymoedd yn effeithiol ac i brif ffrydio materion tlodi ymysg plant ledled eu portffolios pynciau.

Fe wnaed y cais am gyllid gan Achub y Plant, mewn partneriaeth â Barnardo’s Cymru a Chartrefi Cenedlaethol y Plant Cymru ac ar ran Rhwydwaith Dileu Tlodi Plant Cymru.  Fe gaiff hefyd ei gymorth yn ariannol gan Gymdeithas Llywodraeth Leol Cymru.