Yr wythnos hon, fe wnaeth y Grŵp Gweithredu ar Dlodi Plant lansio ymgyrch newydd - 'Gwnewch i Fudd-dal Plant Gyfrif' - i nodi pen-blwydd budd-dal plant yn drigain oed a’i ragflaenydd, lwfansau teulu (a dalwyd am y tro cyntaf i rieni ar 6 Awst 1946), a hefyd i alw am i fudd-dal plant gael ei gynyddu a’i dalu ar yr un gyfradd i bob plentyn.

Y mae’r ymgyrch 'Gwnewch i Fudd-dal Plant Gyfrif’ yn galw ar y Llywodraeth i gynyddu budd-dal plant ac i sicrhau bod plant iau yn cael yr un gyfradd â’r plentyn hynaf. Ar hyn o bryd, y mae budd-dal plant yn werth £17.45 yr wythnos am y plentyn cyntaf, ond dim ond £11.70 yr wythnos am yr ail blentyn a phlant dilynol.

Ac y mae’r ymgyrch yn cael ei chefnogi gan glymblaid o fudiadau, gan gynnwys Plant yng Nghymru, Cyngres yr Undebau Llafur, Achub y Plant, Canolfannau Cynghori, Barnardo’s, Cymdeithas Lles y Teulu, NCH, Cyswllt Teulu a Dileu Tlodi Plant.

Y mae Plant yng Nghymru hefyd yn cefnogi’r ymgyrch drwy annog y sawl sy’n mynychu i gwblhau cerdyn post yr ymgyrch yn eu stondin yn ystod Eisteddfod Genedlaethol yr wythnos hon yn Abertawe.

Am fwy o wybodaeth ac i ganfod beth y gallwch ei wneud fel unigolion i gefnogi’r ymgyrch (fe all pobl anfon cerdyn post electronig at y Canghellor, Gordon Brown), a fyddech cystal â mynd i wefan yr ymgyrch neu’r Grŵp Gweithredu ar Dlodi Plant.