Fe gafodd Canlyniadau dros dro Asesiadau’r Cwricwlwm Cenedlaethol ar gyfer plant 7, 11 a 14 mlwydd oed yng Nghymru eu cyhoeddi ar yr 8fed o Fedi, 2005. Y mae’r canlyniadau ar gyfer plant 7 ac 11 mlwydd oed yn tarddu o asesiadau athrawon yn unig, tra bod y canlyniadau ar gyfer plant 14 mlwydd oed yn cynnwys canlyniadau asesiadau athrawon a phrofion statudol. O gymharu â’r canlyniadau cyfwerth am 2004, fe ddengys yr ystadegau:
Plant 7 mlwydd oed
Fe wnaeth canran uwch o blant 7 mlwydd oed gyrraedd y lefel ddisgwyliedig yn y Saesneg, tra bod yna lai wedi cyrraedd y lefel ddisgwyliedig yn y Gymraeg. Fe wnaeth y ganran a gyrhaeddodd y lefel ddisgwyliedig mewn Mathemateg a Gwyddoniaeth aros yr un fath.
Plant 11 mlwydd oed
Fe wnaeth canran uwch o blant 11 mlwydd oed gyrraedd y lefel ddisgwyliedig yn y Saesneg ac mewn Mathemateg, ond fe gyrhaeddodd llai o ddisgyblion y lefel ddisgwyliedig yn y Gymraeg a Gwyddoniaeth.
Plant 14 mlwydd oed
Fe wnaeth canran uwch o blant 14 mlwydd oed gyrraedd y lefel ddisgwyliedig yn y Saesneg, y Gymraeg ac mewn Mathemateg. Fodd bynnag, fe wnaeth y ganran a gyrhaeddodd y lefel ddisgwyliedig mewn Gwyddoniaeth ostwng.
Y mae mwy o wybodaeth ar gael yn natganiad y Cynulliad i’r wasg.