Mae Plant yng Nghymru wedi ymrwymo i ddileu tlodi ymysg plant yng Nghymru drwy lofnodi Cydgytundeb Llywodraeth Cynulliad Cymru ar Dlodi Plant.
Nod y Cydgytundeb yw sicrhau bod yr holl sefydliadau cyhoeddus a all ddylanwadu ar ganlyniadau plant sy’n byw mewn tlodi yn cydweithredu i flaenoriaethu’u hanghenion.
Drwy lofnodi’r Cydgytundeb, mae’r sefydliadau yn cadarnhau y byddant yn cefnogi ac yn cynorthwyo Llywodraeth Cynulliad Cymru i fwrw ymlaen gyda’r dull tri maes tuag at leihau tlodi ymysg plant fel yr amlinellwyd yn Nogfen y Cydgytundeb, a sicrhau, cyn belled ag sy’n bosibl, y bydd y polisïau a’r mentrau a ddatblygir gan eu sefydliad hwy yn cael effaith gadarnhaol ar fywydau plant a phobl ifanc sy’n byw mewn tlodi.
Fe ellir canfod rhestr o’r sefydliadau eraill sydd wedi llofnodi’r Cydgytundeb ar Dlodi Plant ar wefan Llywodraeth Cynulliad Cymru.
Os hoffai’ch sefydliad lofnodi’r Cydgytundeb ar Dlodi Plant, neu os hoffai wybod mwy, a fyddech cystal â chysylltu â Jointagreementonchildpoverty@wales.gsi.gov.uk