Dim ond un mis ar ôl i fudiadau wneud cais ar gyfer cynllun grant newydd BBC Plant mewn Angen – Hwyl a Chyfeillgarwch – sydd a’i ffocws ar pobl ifanc 12 – 18 oed sydd ag anabledd ac yn byw ym Mhrydain.

Mae’r rhaglen, gwerth £3 miliwn, wedi ei greu yn dilyn canfyddiadau ymchwil a gomisiynwyd yn datgelu diffyg sylweddol yn y cyfleoedd ar gyfer cymdeithasu annibynnol ymhlith pobl ifanc anabl, gan arwain at deimladau unig ac ynysig. Mae BBC Plant Mewn Angen yn targedu mudiadau sydd yn gallu cynnig cyfleoedd ar gyfer cyfeillgarwch, gan adnabod a herio’r rhwystrau sydd yn wynebu pobl ifanc yn eu harddegau.

Mae BBC Plant Mewn Angen yn bwriadu cynnig hyd at 12 grant tair blynedd o hyd at £300,000 yr un. Mae’r rhaglen Hwyl a Chyfeillgarwch yn ychwanegol at raglen grantiau arferol BBC Plant Mewn Angen.

Bwriadwyd y cynllun ar gyfer mudiadau sydd â’r strwythur a’r profiad i gefnogi cyfranogiad ac arweinyddiaeth pobl ifanc anabl ac sydd yn barod i ymuno yn y rhwydwaith o brosiectau er mwyn rhannu profiadau yn y maes.

Dylai prif ffocws y prosiectau fod ar gymdeithasu gyda phobl ifanc anabl ar y blaen yn penderfynu sut mae hynny’n datblygu. Bydd angen cyplysu hynny gydag ymrwymiad i rannu’r hyn a ddysgir yn y broses.

Gorffennaf 31ain 2009 yw’r dyddiad cau ar gyfer cyflwyno cais.

Bydd y sawl sydd yn llwyddiannus yn derbyn eu grant yn Chwefror 2010.

Mae rhagor o wybodaeth ar gael ar wefan BBC Plant Mewn Angen.