Y mae Stop it Now! Cymru yn ymgyrch sy’n galw ar y cyhoedd i wynebu’r ffeithiau a dechrau cymryd camau cadarnhaol i atal cam-drin plant yn rhywiol yng Nghymru.

Rhwng mis Rhagfyr 2008 a mis Mawrth eleni, fe wnaeth Stop it Now!, a reolir gan Sefydliad Lucy Faithfull, gynnal arolwg i ganfod agweddau Cymreig tuag at, a gwybodaeth am gam-drin plant yn rhywiol. Fe wnaeth yr arolwg ganfod nad oes digon yn wybyddus ac nad yw pobl yn gwybod beth i wneud os oes ganddynt bryderon am blentyn.

• Fe ddywedodd bron 70% y byddai’n dda ganddynt pe byddent yn gwybod mwy am sut i atal camdriniaeth rywiol o blant.

• Fe ddywedodd 41% nad oeddynt yn sicr o arwyddion y gall oedolion eu harddangos os oeddynt yn cam-drin plentyn yn rhywiol.  Fe ddywedodd yr un nifer nad oeddynt yn sicr o arwyddion y gallai plentyn eu harddangos os oedd yn cam-drin plentyn arall yn rhywiol.

• Fe ddywedodd 26% eu bod wedi bod yn bryderus am oedolyn y maent yn ei adnabod sydd o bosibl yn cam-drin plentyn yn rhywiol.  O’r rhain, fe ddywedodd 18% fod yr oedolion yn aelodau o deulu’r ymatebwr ei hun.

Y mae Stop it Now! yn cynnal llinell gymorth 0808 1000 900 sy’n rhad ac am ddim a chyfrinachol ar gyfer pob oedolyn sy’n pryderu naill ai am blentyn neu am eu hymddygiad eu hunain, neu ymddygiad eraill, tuag at blant.  Y mae yna hefyd gynlluniau i gynnal digwyddiadau hyfforddiant a chodi ymwybyddiaeth ar gyfer rhieni, teidiau a neiniau a gweithwyr proffesiynol sy’n gweithio gyda phobl ifanc.

Am ragor o wybodaeth, a fyddech cystal â chysylltu â Rebecca Wasinski, Rheolwr Cenedlaethol, yn RWasinski@stopitnow.org.uk.