Y mae’r Ysgrifennydd Gwladol dros Gyfiawnder, Jack Straw, wedi cyhoeddi bod gwrandawiadau mewn llysoedd teulu yn mynd i gael eu gwneud yn agored i gyfryngau achrededig.

Y mae’r newid yn un rhan o becyn o fesurau newydd sydd â’r bwriad o wella didwylledd yn y gyfundrefn llysoedd teulu, a amlinellir yn y papur Family Justice in View, sydd wedi’i seilio ar ymgynghoriad a gynhaliwyd yn 2007.

Fe fydd y llys yn gallu cyfyngu ar bresenoldeb os yw lles y plentyn yn mynnu hynny, neu er diogelwch ac i amddiffyn y sawl sy’n cymryd rhan neu dystion.

Y mae cynigion ychwanegol ar gyfer cynyddu didwylledd yn cynnwys:

• caniatáu i bartïon a’u cynrychiolwyr cyfreithiol ddatgelu gwybodaeth am eu hachos i bobl sy’n gallu cynghori (yn cynnwys Aelodau Seneddol) tra bod achos yn digwydd, yn hytrach nag ar ei ddiwedd;
• caniatáu gwneud mwy o wybodaeth yn hygyrch i’r cyhoedd am y ffordd y mae llysoedd teulu’n gweithio a sut y mae penderfyniadau’n cael eu gwneud.

Y mae rhagor o wybodaeth ar gael ar wefan y Weinyddiaeth Cyfiawnder.