Y mae’r Adolygiad Annibynnol hwn, a gomisiynwyd gan y Gweinidog dros Gyfiawnder Ieuenctid, a’r Gweinidog dros Blant, Pobl Ifanc a Theuluoedd, yn archwilio’r polisi a’r ymarfer yn ymwneud â’r defnydd o ataliaeth ledled sefydliadau troseddwyr ieuainc, canolfannau hyfforddi diogel a chartrefi plant diogel.
Yr oedd disgwyl i’r Adolygiad, a gomisiynwyd yn dilyn y cwestau i farwolaethau Gareth Myatt ac Adam Rickwood, gael ei gyhoeddi ym mis Ebrill. Fe wnaeth edrych yn fanwl ar bolisi ac ymarfer cyfredol ynglŷn â’r defnydd o ataliaeth, gan ganolbwyntio ar atal y risg o niwed.
Fe ganfu’r adolygiad y dylid cael gwared â rhai technegau ataliaeth yn barhaol ac y gall hi fod yn briodol defnyddio technegau ataliaeth sy’n cydymffurfio â gwayw er mwyn sicrhau diogelwch pobl ifanc neu staff mewn amgylchiadau eithriadol.
Y mae ymateb y llywodraeth yn gwneud ymrwymiad i weithredu bron y cyfan o’r argymhellion, ac y maent yn rhoi £4.9 miliwn ar gyfer diwygiadau dros y ddwy flynedd nesaf.
Y mae adroddiad yr adolygiad annibynnol ac ymateb y llywodraeth ar gael i’w lawrlwytho oddi ar wefan y Weinyddiaeth Cyfiawnder.