Fe wnaed Araith y Frenhines, yn amlinellu’r mesurau ar gyfer sesiwn newydd y Senedd, ar y 3ydd o Ragfyr, 2008.

Y mae Mesurau sy’n neilltuol o berthnasol i Blant a Phobl Ifanc yn cynnwys:

Y Mesur Ffiniau, Mewnfudo a Dinasyddiaeth - Fe fydd y Mesur yn disodli’r holl ddeddfwriaeth mewnfudo bresennol ac fe fydd yn anelu at symleiddio’r gwaith o reoli ymfudo, rheoli ffiniau, a’r llwybr i ddinasyddiaeth y Deyrnas Unedig. Fe fydd yn cyflwyno dyletswydd newydd ar Asiantaeth Ffiniau’r DU i gydnabod yr angen i ddiogelu lles plant.  Y mae’n ymwneud â’r Deyrnas Unedig i gyd.

Y Mesur Tlodi ymysg Plant – Y mae’n ymgorffori mewn cyfraith yr ymrwymiad i ddileu tlodi ymysg plant erbyn 2020.

Y Mesur Cydraddoldeb - Fe fydd y ddeddfwriaeth yn cydgyfnerthu naw o ddeddfau cydraddoldeb presennol yn un. 

Y Mesur Plismona a Throseddu - Y mae’n addo rheolaethau tynnach ynglŷn â’r camddefnydd o alcohol.  Y mae’r Mesur hefyd yn dweud y bydd yn cryfhau gorchmynion atal troseddwyr rhyw a gorchmynion teithio tramor.

Y Mesur Cyfrifon Porth Cynilo – Y mae’r Mesur hwn wedi’i anelu at gael pobl sydd ar incymau isel i gynilo mwy.  Fe fydd y llywodraeth yn cyfrannu 50 ceiniog am bob un bunt a gynilir – gyda chynilwyr yn gallu adeiladu cyfraniadau’r llywodraeth  hyd at £300.

Y Mesur Diwygio Lles - Nod y Mesur yw creu mwy o gymhelliant i bobl symud o fod ar fudd-daliadau i waith, a chanlyniadau ar gyfer y sawl nad ydynt yn gwneud.  Y mae hefyd yn anelu at gryfhau gofynion ar rieni di-breswyl i gyfrannu tuag at fagwraeth eu plant, ac i foderneiddio a symleiddio’r gyfundrefn fudd-daliadau, ac i ddarparu mwy o ddewisiadau o waith cyflogedig ar gyfer pobl sydd ag anableddau.