Mae Dr Brian Gibbons, y Gweinidog dros Gyfiawnder Cymdeithasol a Llywodraeth Leol wedi cyhoeddi pecyn ariannol gwerth mwy na £1.5 miliwn er mwyn cefnogi sefydliadau sy’n mynd i’r afael â cham-drin rhywiol a domestig.
Mae’r Cynllun Grant Cam-drin Domestig yn cynnig cymorth cyfalaf er mwyn helpu sefydliadau sy’n rhoi cyngor a chymorth i rai sy’n dioddef o ganlyniad i gam-drin domestig neu gam-drin rhywiol. Bydd y cynllun grant yn ariannu’r gwaith o ddatblygu Siopau Un Stop sy’n arbenigo ar gam-drin domestig ynghyd â gwella’r Canolfannau Atgyfeirio Ymosodiadau Rhywiol (SARC) ledled Cymru.
Mae rhagor o wybodaeth ar gael ar wefan Llywodraeth Cynulliad Cymru.