Yn ei Adroddiad Rhag-gyllidebol, fe gyhoeddodd y Canghellor, Alistair Darling, amryw o fesurau i gynorthwyo teuluoedd ar incwm isel.

Yr oedd y rhain yn cynnwys:

• Cyflwyno codiadau mewn budd-dal plant yng nghynt, sef ym mis Ionawr 2009 yn hytrach nag ym mis Ebrill, 2010. Fe fydd hyn yn gweld y budd-dal plant wythnosol i blant hynaf yn codi o £18.80 i £20, ac i blant iau o £12.55 i £13.20.
• Cyflwyno cynnydd yn yr elfen plant o’r credyd treth plant yng nghynt – sydd ar hyn o bryd yn £2,085 - i £2,235 y flwyddyn ym mis Ebrill 2009 yn hytrach nag ym mis Ebrill 2010.
• Gwneud yn barhaol £600 o gynnydd mewn lwfansau treth ar gyfer trethdalwyr sydd ar y gyfradd sylfaenol, a gyflwynwyd eleni, a fydd yn cynyddu £130 ym mis Ebrill y flwyddyn nesaf. 
• Taliad tanwydd gaeaf unwaith yn unig o £70 ar gyfer rhieni plant anabl.

Fodd bynnag, y mae’r Grŵp Gweithredu ar Dlodi Plant a Dileu Tlodi Plant wedi disgrifio’r adroddiad rhag-gyllidebol fel "cyfle a gollwyd". 

Y mae rhagor o wybodaeth am yr Adroddiad Rhag-gyllidebol ar gael ar wefan Trysorlys Ei Mawrhydi.