Mae ymgyrch newydd wedi’i lansio heddiw gan y Dirprwy Weinidog dros Sgiliau, John Griffiths, i annog bechgyn i fynd ati i ddarllen a chael boddhad o ddarllen.
Mae’r ymgyrch, Darllenwch Filiwn o Eiriau Gyda’ch Gilydd, wedi’i datblygu gan dîm Sgiliau Sylfaenol Llywodraeth Cynulliad Cymru gyda’r nod o sicrhau bod mwy o fechgyn yng Nghymru yn cyrraedd y lefelau llythrennedd sydd eu hangen i lwyddo.Gan adeiladu ar lwyddiant Darllenwch Filiwn o Eiriau yn 2007, mae’r ymgyrch yn canolbwyntio ar sicrhau bod llyfrau o fewn cyrraedd haws i fechgyn ac ar ymestyn ystod y deunyddiau darllen sydd yn y cwricwlwm er mwyn cynnwys mwy o deitlau ffeithiol eu natur, straeon byrion a llyfrau sy’n apelio at ddiddordebau bechgyn.
Mae rhagor o wybodaeth ar gael ar wefan Llywodraeth Cynulliad Cymru.