Y mae Llywodraeth Cynulliad Cymru’n nodi Diwrnod Rhyngwladol Pobl Anabl drwy gynnal diwrnod llawn o ddigwyddiadau dathliadol yn y Senedd a Thŷ Hywel ym Mae Caerdydd. Y mae un digwyddiad yn cael ei drefnu gan Anabledd Dysgu Cymru pan fydd aelodau’r Rhwydwaith Pobl Anabl Ifanc, a hwylusir gan Plant yng Nghymru, yn cael y cyfle i ofyn cwestiynau i Brif Weinidog Cymru, Rhodri Morgan, a’r Gweinidog dros Blant, Addysg, Dysgu Gydol Oes a Sgiliau, Jane Hutt. Fe fydd y cwestiynau wedi’u canoli ar y saith amcan sydd gan Ymgyrch Plant Anabl yn Cyfri Cymru.
Fe fyddant yn cynnwys cwestiwn oddi wrth un person ifanc am gyngor ar yrfaoedd i bobl anabl ifanc ac un arall am fyw’n annibynnol a chael digon o arian i fyw arno.
Yn dilyn y digwyddiad hwn, fe fydd y bobl anabl ifanc yn cael cyfarfod anffurfiol gyda’r Grŵp Gorchwyl, a fynychir gan gynrychiolwyr Ymgyrch Plant Anabl yn Cyfri Cymru ac uwch-weision sifil, ac a sefydlwyd gan y Gweinidog dros Blant yn gynharach eleni. Fe fydd y bobl ifanc yn rhoi cyflwyniad byr ynglŷn â’r amcanion cyfredol ar gyfer yr Ymgyrch:
Fe fydd hyn yn galluogi’r Grŵp Gorchwyl i glywed yn uniongyrchol oddi wrth bobl anabl ifanc ynglŷn â’r materion sy’n effeithio arnynt, ac fe fydd, gobeithio, yn cynorthwyo i gyfarwyddo’r gwaith o gynllunio yn y dyfodol ar gyfer datblygu gwasanaethau ar gyfer plant a phobl ifanc anabl.
Am ragor o wybodaeth am y digwyddiad, a fyddech cystal â chysylltu â: zoe.richards@learningdisabilitywales.org.uk