Fe gyhoeddodd Pwyllgor y Cenhedloedd Unedig ar Hawliau’r Plentyn ei sylwadau terfynol ar gyfer y DU ddydd Gwener, y 3ydd o Hydref 2008. Fe wneir y Sylwadau Terfynol gan y Pwyllgor yn dilyn yr adroddiad oddi wrth y Llywodraethau, Comisiynwyr Plant, Pobl Ifanc a chyrff anllywodraethol ynglŷn â chynnydd gyda gweithredu’r cytundeb.

Y mae’i argymhellion yn cynnwys:

• Gwahardd holl gosbi corfforol yn y teulu, yn cynnwys taro;
• Codi’r oedran cyfrifoldeb troseddol o ddeg yng Nghymru a Lloegr ac o wyth yn yr Alban;
• Sefydlu’r egwyddor y dylai cadw yn y ddalfa fod yn fesur a ddefnyddir fel cam olaf wedi i bopeth arall fethu ar gyfer plant sy’n gwrthdaro â’r gyfraith;
• Gweithredu i roi sylw i’r anoddefgarwch a’r nodweddu amhriodol o blant mewn cymdeithas ac yn y cyfryngau;
• Rheoleiddio cyfranogaeth plant mewn rhaglenni teledu, yn enwedig rhaglenni realiti;  
• Ailystyried y defnydd o Orchmynion Ymddygiad Gwrthgymdeithasol a dyfeisiadau mosgito;
• Gweithredu’n llawn God Marchnata Rhyngwladol ar gyfer Dewisiadau Amgen yn Lle Llaeth o’r Fron;
• Sicrhau bod cadw plant ceiswyr lloches a phlant ymfudwyr yn y ddalfa yn cael ei ddefnyddio ond fel cam olaf wedi i bopeth arall fethu.

Fe ellir lawrlwytho’r adroddiad oddi ar wefan Swyddfa Uwch Gomisiynydd y Cenhedloedd Unedig ar Hawliau Dynol.