Y mae gwefan newydd a ddyluniwyd i gynorthwyo cynghorau a’u partneriaid i ddatblygu ymatebion lleol i ostwng tlodi ymysg plant wedi’i lansio.

Y mae’r wefan yn cynnig gwasanaethau cymorth a chyngor i ymarferwyr lleol, llunwyr polisi, rheolwyr a strategwyr, yn amrywio o becyn cymorth hunan-asesu ar gyfer cadw golwg ar lwyddiant o ran mynd i’r afael â thlodi ymysg plant i arweiniad gyda datblygu cynlluniau statudol ar gyfer plant a phobl ifanc.

Fe fydd modiwlau hyfforddi ar gyfer aelodau etholedig yn eu cynorthwyo hwynt i ddeall achosion ac effeithiau tlodi ymysg plant a sut y gall awdurdodau lleol weithio gyda sefydliadau eraill i fynd i’r afael â’r materion o dan sylw.

Y mae’r wefan wedi’i datblygu gan Achub y Plant yng Nghymru a Chymdeithas Llywodraeth Leol Cymru, ac fe’i cyllidir gan Lywodraeth Cynulliad Cymru.

Ewch i www.childpovertysolutions.org.uk am fwy o wybodaeth.