Y mae’r Ysgrifennydd Cartref, Jacqui Smith, wedi cyhoeddi mesurau newydd i gryfhau’r cyfyngiadau teithio ar unigolion sydd wedi’u collfarnu o droseddau rhyw gyda phlant.

Y mae mesurau allweddol a gyhoeddwyd yn cynnwys:

• mynnu bod troseddwyr rhyw cofrestredig yn hysbysu’r heddlu yng nghynt ynglŷn â’u bwriadau i deithio dramor;
• cael gwared yn awtomatig â phasport unigolyn pan fônt yn ddarostyngedig i orchymyn teithio dramor hollgynhwysfawr;
• ymestyn hyd gorchymyn teithio dramor (chwe mis ar hyn o bryd).

Y mae’r Ysgrifennydd Cartref yn ystyried rhagor o gyfyngiadau ar yr hawl i gael pasport ar gyfer y sawl sydd wedi’u collfarnu o droseddau rhyw gyda phlant, ac y mae yna hefyd bosibilrwydd y gellir codi’r terfyn oedran uchaf ar gyfer plant sy’n cael eu hystyried mewn perygl.  Ar hyn o bryd, y mae’r gyfraith yn diogelu plant sy’n 16 mlwydd oed ac ieuengach, ond fe ellid cynyddu hynny i 18 mewn rhai amgylchiadau.

Y mae rhagor o fanylion ar gael ar wefan y Swyddfa Gartref.