Fe gafodd y Mesur Cynhaliaeth Plant a Thaliadau Eraill ei ailgyflwyno i’r Senedd ar y 7fed o Dachwedd, 2007.

Y mae’r Mesur yn:

• Annog rhieni i wneud eu trefniadau cynhaliaeth eu hunain; 
• Disodli’r Asiantaeth Cynnal Plant gan roi’r Comisiwn Cynhaliaeth Plant a Gorfodaeth yn ei lle;
• Cyflwyno cosbau newydd yn erbyn rhieni absennol nad ydynt yn talu cynhaliaeth plant, gan gynnwys cyrffiw ac atal pasportau; a
• Caniatáu i rieni gadw mwy o’u lwfans cynhaliaeth cyn ei fod yn effeithio ar eu budd-daliadau.  Fe wnaeth yr Adolygiad Gwariant Cynhwysfawr egluro y bydd y anwybyddiad cynhaliaeth yn cynyddu o £10 i £20 yr wythnos yn 2008, ac i £40 yr wythnos erbyn 2010-11.  Yn ychwanegol, fe fydd yr anwybyddiad cynhaliaeth plant mewn Budd-dal Tai a Budd-dal Treth Cyngor yn cynyddu o £15 yr wythnos i anwybyddiad llawn erbyn 2010-11.

Fe fydd y Mesur yn cynnwys darpariaethau penodol ar gyfer Cymru.

 Y mae rhagor o fanylion y darpariaethau yn y Mesur ar gael yn y Nodiadau Esboniadol iddo.  Fe ellir lawrlwytho’r Nodiadau Esboniadol  a’r Mesur fel ei gilydd oddi ar wefan y Senedd.