Cafodd y Mesur hwn ei gyflwyno gerbron y Senedd ar 21 Mehefin 2011 ac mae’n cynnwys nifer o fesurau ynghylch diwygio Cymorth Cyfreithiol, yn ogystal â darpariaethau ar ddedfrydu a lleihau aildroseddu.

Mae’r cynigion yn cynnwys:

Cymorth Cyfreithiol

• cadw cymorth cyfreithiol mewn achosion lle bydd bywyd neu ryddid rhywun yn y fantol, lle maent mewn perygl o niwed corfforol difrifol, neu golli eu cartref yn syth, neu lle bydd eu plant efallai’n cael eu cymryd i mewn i ofal
• trefnu bod cymorth cyfreithiol ar gael i fictimau trais domestig a chamdriniaeth plant
• dileu cymorth cyfreithiol i sgwatwyr sy’n gwrthsefyll dadfeddiannu a’r mwyafrif o achosion mewnfudo
• defnyddio prawf modd ar gyfer pob ymgeisydd gan gynnwys y sawl sy’n derbyn budd-daliadau
• cadw cymorth cyfreithiol ar gyfer achosion Anghenion Addysgol Arbennig
• dileu’r Comisiwn Gwasanaethau Cyfreithiol

Dedfrydu

• trosedd newydd o fygwth gydag arf bygythiol yn gyhoeddus neu ar diroedd ysgol 
• dedfrydau o oes i droseddwyr mwy difrifol
• troseddwyr sy’n cyflawni troseddau rhywiol a threisiol difrifol yn treulio dau draean o’u dedfryd yn y carchar yn hytrach na’r hanner maent yn ei dreulio o dan y system  bresennol
• bydd rhaid i bob person ifanc sy’n cael ei gadw yn y ddalfa gael ei gydnabod fel plentyn sy’n derbyn gofal gan awdurdodau lleol
• newidiadau i bwerau i wneud gorchmynion dedfryd ohiriedig

Lleihau aildroseddu

• rheolau newydd ar gyflogaeth yn y carchar
• didynnu arian oddi wrth garcharorion sydd mewn cyflogaeth tra byddant yn y carchar i’w roi i fictimau
• bod yn fwy llym am gyffuriau mewn carcharau

Mae modd lawrlwytho’r Mesur a’r Nodiadau Esboniadol o wefan Senedd y DU.