Y mae’r Mesur yn darparu’r fframwaith deddfwriaethol ar gyfer rhai o gynigion diwygio lles y llywodraeth, a gyhoeddwyd yn Codi disgwyliadau a chynyddu cefnogaeth: diwygio lles ar gyfer y dyfodol.  Y mae mesurau allweddol, sydd wedi’u rhannu’n bum rhan, yn cwmpasu nawdd cymdeithasol, pobl anabl, cynhaliaeth plant, cofrestru genedigaethau a darpariaethau amrywiol ac atodol, yn cynnwys:

• newidiadau i amodoldeb budd-daliadau, yn cynnwys pwerau i: mynnu bod pobl sy’n hawlio budd-daliadau ac sy’n rhieni plant iau yn ymgymryd â gweithgareddau cynllunio camau gweithredu a gweithgareddau sy’n gysylltiedig â gwaith i baratoi ar gyfer cyflogaeth yn y dyfodol; mynnu gweithgaredd cyffelyb sy’n gysylltiedig â gwaith oddi wrth gymheiriaid pobl sy’n hawlio budd-dal, yn dâl am fudd-daliadau; a chyfarwyddo person sy’n hawlio Lwfans Cyflogaeth a Chymorth i wneud gweithgaredd penodol sy’n gysylltiedig â gwaith (yn hytrach na gweithgaredd sy’n gysylltiedig â gwaith o’u dewis hwy);
• amlinellu’r fframwaith angenrheidiol ar gyfer dileu yn y dyfodol gymhorthdal incwm, gan symud hawlwyr i Lwfans Ceisio Gwaith gyda gwahanol raddfeydd o amodoldeb, neu i Lwfans Cyflogaeth a Chymorth;
• caniatáu cysylltu ag undebau credyd neu sefydliadau trydydd sector cyffelyb gan yr Adran Gwaith a Phensiynau i ddarparu taliadau’r Gronfa Gymdeithasol yn eu hardal (y Gronfa Gymdeithasol yw’r gyfundrefn o daliadau untro neu ‘fenthyciadau argyfwng’ ar gyfer hawlwyr budd-daliadau);
• caniatáu i’r Comisiwn Cynhaliaeth Plant a Gorfodi wahardd rhieni dibreswyl sy’n peidio â thalu cynhaliaeth plant rhag dal na chael trwydded yrru neu hawl i deithio (sydd ar hyn o bryd yn bŵer sydd ond yn nwylo’r llysoedd).  Fe wna llysoedd ymdrin ag apeliadau yn erbyn penderfyniadau’r Comisiwn;
• darparu ar gyfer cynigion y llywodraeth i fynnu bod rhieni di-briod yn cofrestru genedigaeth eu plentyn ar y cyd.  Ble y bo’n berthnasol, fe fydd y darpariaethau newydd sy’n ymwneud â chofrestru genedigaeth ar y cyd sy’n gymwys i dadau di-briod hefyd yn gymwys i ddynes sy’n rhiant, yn rhinwedd adran 43 y Ddeddf Ffrwythloni Dynol ac Embryoleg (hynny yw, rhiant plentyn a enir drwy dechnoleg atgenhedlu â chymorth i gwpl lesbaidd).

Y mae rhagor o wybodaeth ar y wefan Legislation UK.