Fe wnaeth Deddf Ffrwythloni Dynol ac Embryoleg 2008 dderbyn Cydsyniad y Frenhines ar y 13eg o Dachwedd, 2008.

Y mae Deddf 2008 yn bennaf yn diwygio Deddf Ffrwythloni Dynol ac Embryoleg 1990.  Darpariaethau allweddol Deddf 2008 yw:

• sicrhau bod pob embryo dynol y tu allan i’r corff – beth bynnag fo’r broses a ddefnyddir wrth eu creu – yn ddarostyngedig i reoliadau. 
• sicrhau rheoli embryonau "cymysgedd dynol" sydd wedi’u creu o gyfuniad o ddeunydd genetig dynol ac anifeiliaid ar gyfer ymchwil.  
• gwahardd dethol rhyw’r plentyn ar gyfer rhesymau nad ydynt yn rhesymau meddygol.  Fe ganiateir dethol rhyw’r plentyn am resymau meddygol – er enghraifft, i osgoi afiechyd difrifol sydd ond yn effeithio ar fechgyn.   
• cydnabod cyplau o’r un rhyw fel rhieni cyfreithiol plant a genhedlwyd drwy’r defnydd o had, wyau neu embryonau a roddwyd.  Y mae’r darpariaethau hyn yn galluogi, er enghraifft, gymar sifil dynes sy’n feichiog gyda phlentyn drwy IVF i gael ei gydnabod fel rhaint cyfreithiol y plentyn. 
• dal gafael ar y ddyletswydd i gymryd i ystyriaeth lles y plentyn o ran darparu triniaeth ffrwythlondeb, ond disodli’r cyfeiriad at "yr angen am dad", a rhoi yn ei le "yr angen am rianta cefnogol" – a gan hynny werthfawrogi rôl pob rhiant.  

Y mae rhagor o wybodaeth ar gael ar wefan y Senedd.