Y mae’r ddogfen hon yn amlinellu rhaglen ddeddfwriaethol ddrafft y Llywodraeth am 2008-09. Fe fydd yna ymgynghori ar lawer o’r mesurau a gynigir yn ystod y misoedd sydd i ddod.
Mesurau allweddol a all effeithio ar blant, pobl ifanc a theuluoedd yng Nghymru yw:
Y Mesur Addysg a Sgiliau Fe fydd hwn yn hyrwyddo "mynediad teg" at ysgolion ac yn gwella perfformiad yr ysgolion gwannaf. Fe fydd yn rhoi’r hawl i rieni gael gwybodaeth reolaidd am hynt a chynnydd plant, rhoi’r hawl i weithwyr ofyn i gyflogwyr am hyfforddiant, creu cyfundrefn gymwysterau annibynnol. Y mae’n ymdrin â: Rhai rhannau, y DU i gyd; rhai Lloegr yn unig; eraill Cymru a Lloegr yn unig; neu Loegr, Cymru a Gogledd yr Iwerddon yn unig.
Y Mesur Cydraddoldeb Fe fydd hwn yn cyflwyno dyletswydd cydraddoldeb unigol ar gyfer pob corff cyhoeddus a mesurau i wella gorfodaeth. Y mae’n ymdrin â: Lloegr, Cymru a’r Alban.
Y Mesur Diwygio Lles Fe fydd pobl sydd wedi bod yn ddi-waith dros yr hirdymor yn cael eu gorfodi i ddechrau cyrsiau hyfforddi neu wynebu gostyngiadau mewn budd-daliadau - fe fydd pob person di-waith yn cael asesiad o’u sgiliau pan fônt yn hawlio am y tro cyntaf. Y mae’n ymdrin â: Lloegr, Cymru a’r Alban.
Y Mesur Plismona a Gostwng Troseddau Fe fydd hwn yn cynnwys darpariaethau i roi rôl gryfach i aelodau’r cyhoedd gyda llunio penderfyniadau drwy gynrychiolwyr sydd wedi’u hethol yn uniongyrchol. Y mae’n ymdrin â: Y mae rhai rhannau’n ymdrin â’r DU i gyd, nid yw eraill.
Y Mesur Diwygio’r Gyfraith, Dioddefwyr a Thystion Fe fydd hwn yn cyflwyno gwahanol raddfeydd o laddiad, yn cynnwys cythrudd, dim yn llawn gyfrifol, cydgynllwynio a babanladdiad – yn ddarostyngedig i ymgynghori. Y mae’n ymdrin â: Fe fydd yn amrywio ar gyfer gwahanol rannau o’r Mesur.
Y Mesur Dinasyddiaeth, Mewnfudo a Ffiniau Fe fydd yn cefnogi sefydlu Asiantaeth Ffiniau’r DU a chynllun dinasyddiaeth a enillwyd. Symleiddio deddfau mewnfudo presennol. Y mae’n ymdrin â: Y DU i gyd.
Y Mesur Crwneriaid a Thystysgrif Marwolaeth Fe fydd hwn yn sefydlu gwasanaeth crwneriaid cenedlaethol, gyda chrwneriaid llawn amser yn gweithio hyd at safonau gofynnol a hawl i apelio ar gyfer teuluoedd sydd wedi cael profedigaeth. Archwilwyr meddygol newydd i archwilio achos y farwolaeth a roddwyd gan feddygon. Y mae’n ymdrin â: Cymru a Lloegr yn unig, gyda rhai mân ddarpariaethau yn gymwys yng Ngogledd Iwerddon.
Fe ellir lawrlwytho’r ddogfen oddi ar wefan y TSO.