Y mae Llywodraeth Cynulliad Cymru wedi lansio cynllun yn amlinellu sut y bydd pob un ymrwymiad yn y ddogfen Cymru’n Un yn cael ei gyflawni.

Y mae’r Cynllun Cyflenwi yn nodi’r holl 228 o ymrwymiadau cyflawni penodol yn y ddogfen Cymru’n Un, a ffurfiodd sail y llywodraeth glymblaid, ac y mae’n amlinellu’r hyn y bydd Llywodraeth y Cynulliad yn ei wneud i gyflawni pob un ohonynt, yn cynnwys cerrig milltir allweddol o ran cyflawni.

Fe ellir lawrlwytho’r ddogfen oddi wrth wefan Llywodraeth Cynulliad Cymru.

Y mae’r ymrwymiadau sy’n effeithio ar blant yn cynnwys:

Iechyd

• Isafswm o un nyrs teulu i bob ysgol uwchradd erbyn diwedd tymor y Cynulliad.
• Blaenoriaeth newydd i iechyd meddwl, gan gynnwys gwasanaethau iechyd meddwl plant a phobl ifanc

Gofal Cymdeithasol

• Ceisio mwy o bwerau i ddeddfu ar gyfer plant sy’n agored i niwed, plant sy’n derbyn gofal a thlodi plant
• Adolygu Strategaeth Gofalwyr, paratoi deddfwriaeth ar hawliau gofalwyr

Trafnidiaeth

• Deddfwriaeth ar well cludiant i ysgolion a buddsoddi mewn llwybrau diogel i’r ysgol

Addysg

• Hawl i addysg a hyfforddiant hyd at 18 oed, gydag arian newydd yn gefn
• Strategaeth addysg cyfrwng Cymraeg gyda rhaglen weithredu yn gefn iddi. Sefydlu Rhwydwaith Addysg Uwch cyfrwng Cymraeg.
• Trefniadau cyllido addysg diwygiedig
• Gostyngiad ym maint dosbarthiadau
• Cefnogi datblygu ysgolion cymunedol
• Mwy o adnoddau ar gyfer AG mewn ysgolion, hybu cadw caeau chwarae
• Peilotio gliniaduron i blant
• Deddfwriaeth ar anghenion dysgu ychwanegol
• Ymchwilio i ddieithrio o ddysgu
• Datblygu strwythur cenedlaethol i gynorthwywyr dosbarth
• Datblygu strwythur cenedlaethol i gynorthwywyr dosbarth
• Cefnogi cynlluniau peilot ar gyfer ysgolion Sadwrn a haf ar gyfer chwaraeon, cerddoriaeth a’r celfyddydau
• Ymchwilio i weld sut i gydnabod a gwobrwyo gwirfoddoli gan bobl ifanc
• Asesu effaith mewnfudo, yn enwedig o wledydd newydd y gymuned Ewropeaidd, ar addysg

Gofal Plant

• Bwrw ymlaen â darparu gofal plant cyffredinol fforddiadwy gyda chefnogaeth ychwanegol gan gynnwys gofal plant estynedig llawn-amser am ddim o safon uchel i blant 2 flwydd oed yn yr ardaloedd lle mae’r angen fwyaf

Cydraddoldeb

• Gweithio i wneud y corff cydraddoldeb unigol newydd yng Nghymru yn llwyddiant
• Gweithredu strategaeth Cymru gyfan ar sipsiwn a theithwyr
• Mireinio a gweithredu strategaeth cynnwys ffoaduriaid, gan gynnwys buddiannau plant ar eu pennau eu hunain sy’n ceisio lloches

Cydlyniant Cymunedol

• Unedau dinasyddiaeth gadarnhaol yn ardal pob awdurdod lleol
• Datblygu a gweithredu strategaeth lleihau alcohol
• Dwyn ymlaen adroddiad ar wasanaeth cwnsela cam-drin sylweddau. Ystyried mabwysiadu modelau peilot lleihau niwed sydd ar y gweill yn Lloegr
• Adolygu effeithiolrwydd rhaglenni addysg lleihau niwed mewn ysgolion

Datblygiad Cymdeithasol

• Datblygu Cymunedau’n Gyntaf yn gyfnod Cymunedau Nesaf

Tlodi Plant

• Cefnogi’r nod o haneru tlodi plant erbyn 2010 a’i ddileu erbyn 2020
• Bond plant ychwanegol i bob plentyn sy’n dod i’r ysgol
• Dyletswydd ar asiantaethau cyhoeddus i wneud a dangos ymrwymiad i ddiweddu tlodi plant
• Sefydlu grŵp arbenigol i ymdrin â gofynion polisi fydd eu hangen i gwrdd â thargedau Dileu Tlodi plant yng Nghymru
• Adolygu rhaglenni gwrthdlodi presennol yng Nghymru
• Mabwysiadu Cynllun Gofodol Cymru fel pecyn cymorth integreiddio
• Sefydlu undebau credyd ym mhob rhan o Gymru. Mynediad at undeb credyd i bob ysgol uwchradd erbyn 2011
• Datblygu mwy ar all undebau credyd Cymru i gymryd adneuon cyfrifon cronfa ymddiriedolaeth plant

Cyfiawnder Ieuenctid

• Parhau i flaenoriaethu ymyriad ataliol ac atebion nad ydynt yn golygu carcharu mewn perthynas â throseddu ieuenctid a chyfiawnder ieuenctid
• Ystyried modelau o arfer trawsbynciol rhwng cyfiawnder ieuenctid, addysg, tai a gwasanaethau iechyd meddwl
• Ystyried y dystiolaeth dros ddatganoli’r system cyfiawnder troseddol yng nghyd-destun datganoli cyllido, a symudiadau i sefydlu un weinyddiaeth gyfiawnder yng Nghymru

Diwylliant, Iaith a Chwaraeon

• Plant i gael mynediad am ddim i safleoedd treftadaeth a gyllidir gan y Cynulliad
• Ymestyn y cynllun nofio plant – pob plentyn i gael y cyfle i ddefnyddio cyfleuster chwaraeon neu hamdden neu bwll nofio am ddim dros y penwythnos