Mae Llywodraeth Cynulliad Cymru wedi cyhoeddi strategaeth i ddatblygu gwasanaethau cynghori mewn ysgolion ledled Cymru, gyda chefnogaeth gwerth £6.5m o gyllid yn ystod y 3 blynedd nesaf.

Bydd cyllid gwerth £1m ar gael i Awdurdodau Lleol yn ystod 2008/09, £2.5m yn ystod 2009/10 a £3m yn ystod 2010/11, i ddatblybu gwasanaethau cynghori mewn ysgolion.

Mae’r strategaeth wedi ei gyflwyno mewn ymateb i argymhelliad yn Adroddiad Ymchwiliad Clywch Comisiynydd Plant Cymru a hefyd er mwyn cyflwyno un o’r camau gweithredu allweddol (2.35) a nodir yn y Fframwaith Gwasanaeth Cenedlaethol ar gyfer Plant, Pobl Ifanc a'r Gwasanaethau Mamolaeth yng Nghymru.

Fe ellir lawrlwytho’r strategaeth oddi wrth wefan Llywodraeth Cynulliad Cymru.