Mae’r Gweinidog dros Addysg, Jane Hutt, wedi lansio Cynllun Gweithredu Llywodraeth y Cynulliad 'Blas am Oes', sy'n pennu'r cyfeiriad a'r camau strategol sydd eu hangen i wella safonau maeth bwyd a diod yn ysgolion Cymru.

Mae'r Cynllun Gweithredu yn canolbwyntio ar saith maes blaenoriaeth allweddol ar gyfer datblygu yr agenda fwyd mewn ysgolion.

• Cam 1 - Cyflwyno a gweithredu safonau newydd yn seiliedig ar faeth, bwyd a diod
• Cam 2 - Datblygu a defnyddio staff ac offer arlwyo yn y ffordd orau bosibl i gefnogi'r newid.
• Cam 3 - Cefnogi ysgolion i gynnwys yr ysgol gyfan yn y cynlluniau bwyd a maeth
• Cam 4 - datblygu a gweithredu strategaethau marchnata a chyfathrebu a fydd o gymorth i ddarparu'r cynllun Blas am Oes ar lefel leol a chenedlaethol
• Cam 5 - cynnwys egwyddorion datblygu cynaliadwy yn y broses o gaffael nwyddau a gwasanaethau sy'n gysylltiedig â darparu'r cynllun Blas am Oes
• Cam 6 - Llywio penderfyniadau ar fuddsoddi ariannol
• Cam 7 - Adolygu, datblygu a sefydlu rhaglenni monitro a gwerthuso i gefnogi dull o gynnwys yr ysgol gyfan wrth wella bwyd a maeth mewn ysgolion.