Fe wnaeth Llywodraeth Cynulliad Cymru lansio’u cynllun deng mlynedd newydd i leihau’r niwed a achosir gan alcohol, cyffuriau a sylweddau eraill ar y 1af o Hydref, 2008. Y mae’r strategaeth yn amlinellu sut y mae Llywodraeth Cynulliad Cymru a’u partneriaid yn bwriadu lleihau’r niwed sy’n gysylltiedig â chamddefnyddio sylweddau yng Nghymru. 

Y mae’r gweithredoedd yn cael eu tanategu gan bedwar amcan allweddol:

• Lleihau’r niwed a achosir i unigolion (yn neilltuol i blant a phobl ifanc), eu teuluoedd a chymunedau ehangach;

• Gwella argaeledd ac ansawdd addysg, a gwasanaethau atal a thriniaeth;  

• Gwneud gwell defnydd o adnoddau;

• Plannu gwerthoedd craidd Llywodraeth Cynulliad Cymru o gynaliadwyedd, cydraddoldeb ac amrywiaeth, cefnogaeth i’r Gymraeg a datblygu gwasanaethau sy’n canolbwyntio ar ddefnyddwyr, yn ogystal â sylfeini hawliau ar gyfer plant a phobl ifanc, gyda datblygu a darparu’r strategaeth, fel ei gilydd.

Fe fydd y strategaeth yn cael ei hategu gan £9.6 miliwn ychwanegol yn y Gronfa Weithredu ar Gamddefnyddio Sylweddau dros y tair blynedd nesaf, fydd yn dod â chyfanswm y cyllid i fwy na £27 miliwn y flwyddyn erbyn 2010-11.  Fe fydd yna hefyd £11 miliwn y flwyddyn yn rhagor ar gyfer byrddau iechyd lleol i fynd i’r afael â chamddefnyddio sylweddau.

Fe ellir lawrlwytho’r strategaeth oddi ar wefan Llywodraeth Cynulliad Cymru.