Y mae’r Swyddfa Gartref wedi cyhoeddi’i Chynllun Gweithredu ar Droseddau Ieuenctid, sy’n darparu dadansoddiad o’r hyn y mae Llywodraeth y Deyrnas Unedig yn mynd i wneud i fynd i’r afael â throseddau gan ieuenctid.

Y mae’r cynllun yn bwriadu gweithredu’n syth drwy becyn o fesurau, y bydd rhai ohonynt yn berthnasol i Gymru. Fe fydd y Swyddfa Gartref yn gweithio gyda Llywodraeth Cynulliad Cymru drwy’r Strategaeth Troseddwyr Ifanc Cymru Gyfan i weithredu’r agweddau hynny o’r Cynllun Gweithredu sy’n gymwys yng Nghymru a Lloegr, fel ei gilydd, ac i drafod trefniadau ariannu teg.

Y mae’r mesurau’n cynnwys:

• gorfodi’r ddeddfwriaeth yn llymach i dynnu plant sydd mewn perygl ymaith  oddi ar y strydoedd yn hwyr yn y nos;
• mwy o waith i fynd i’r afael ag ymddygiad gwrthgymdeithasol ac yfed o dan oed;   
• tactegau gorfodi newydd gan yr heddlu i sicrhau cylchrhodio gweladwy yn ystod oriau ar ôl ysgol.  

Am ragor o wybodaeth, a fyddech cystal â darllen datganiad y Swyddfa Gartref i’r wasg  neu lawrlwythwch y cynllun gweithredu oddi ar wefan y Swyddfa Gartref.