Yr Ystadegau Gwladol diweddaraf am Ddigartrefedd a gynhyrchwyd gan Lywodraeth Cynulliad Cymru.

Y pwyntiau allweddol oddi wrth y cyhoeddiad diweddaraf yw:

• Yn gyffredinol, mae nifer y teuluoedd sy’n cael eu derbyn fel rhai digartref wedi gostwng ers diwedd 2003-04. Mae’r tueddiad hwn wedi parhau yn ystod y chwarter o fis Ionawr tan fis Mawrth 2009, gyda 1,334 o deuluoedd yn cael eu derbyn fel rhai digartref. Mae hynny’n golygu bod y nifer 7 y cant yn llai nag yn ystod y chwarter blaenorol a 21 y cant yn llai nag yn ystod yr un chwarter flwyddyn yn ôl.
• Ers i’r nifer gyrraedd uchafbwynt yng nghanol 2005, mae nifer y bobl sy’n defnyddio cartrefi dros dro wedi bod yn gostwng yn gyffredinol. Er gwaethaf hynny, dros y flwyddyn ddiwethaf roedd 2 y cant yn fwy o deuluoedd, sef cyfanswm o 2,823, mewn cartrefi dros dro ar ddiwedd mis Mawrth 2009.  Fodd bynnag, roedd y nifer hwn 9 y cant yn fwy nag ar ddiwedd mis Medi 2008.
• Erbyn diwedd mis Mawrth 2009, roedd 261 o deuluoedd mewn llety Gwely a Brecwast. Yn dilyn y gostyngiad sylweddol ers canol 2004, roedd y defnydd o lety Gwely a Brecwast ychydig yn uwch yn ystod y rhan fwyaf o 2008. Fodd bynnag, roedd llai o deuluoedd eto mewn llety o’r fath erbyn diwedd y chwarter ym mis Mawrth 2009. Roedd y nifer 2 y cant yn llai nag yr oedd yn ystod y chwarter blaenorol.
• Mae nifer y teuluoedd â phlant mewn llety Gwely a Brecwast yn parhau i ostwng. O’r rheini mewn llety Gwely a Brecwast ar ddiwedd mis Mawrth 2009, dim ond 7 y cant oedd yn deuluoedd â phlant. Mae hyn yn cymharu â 13 y cant y flwyddyn cynt.

Y mae rhagor o wybodaeth ar gael ar wefan Ystadegau Cymru