Y mae’r datganiad hwn yn darparu dadansoddiad o gronfeydd ariannol wrth gefn sydd gan ysgolion yng Nghymru ar 31 Mawrth 2008.

Dyma'r prif bwyntiau o'r datganiad diweddaraf:

• Cyfanswm lefel y cronfeydd wrth gefn yn ysgolion Cymru oedd £76 miliwn ddiwedd mis Mawrth 2008, sy'n gyfwerth â £165 fesul disgybl. Mae hyn yn gynnydd o 12% ar y flwyddyn flaenorol.  Roedd cronfeydd wrth gefn mewn ysgolion cynradd yn cyfrif am £47 miliwn neu 62% o'r cyfanswm.
• Ar gyfartaledd, 4.3% oedd lefel y cronfeydd wrth gefn fel canran o'r gwariant sy'n cael ei ddirprwyo i ysgolion.  Mae hyn yn gynnydd o 0.3 pwynt canran ar y flwyddyn flaenorol.
• Ynys Môn, gydag 8.6%, oedd â'r lefel uchaf o gronfeydd wrth gefn fel canran o'r gwariant sy'n cael ei ddirprwyo i ysgolion. Sir Fynwy oedd â'r canran isaf a gofnodwyd, sef 2.4%.
• Roedd gan 2 o ysgolion meithrin, 155 o ysgolion cynradd, 47 o ysgolion uwchradd a 5 o ysgolion arbennig yng Nghymru gronfeydd wrth gefn negyddol (h.y. diffygion) oedd yn werth £8 miliwn ddiwedd mis Mawrth 2008.  Roedd gan y 1,628 o ysgolion eraill gronfeydd wrth gefn positif ddiwedd mis Mawrth 2008; roedd gan 376 ohonynt gronfeydd wrth gefn gwerth mwy na 10% o gyfanswm y gwariant a ddirprwywyd iddynt.

Fe ellir lawrlwytho’r datganiad llawn oddi ar wefan Ystadegau ar gyfer Cymru.