Mae bwletin Cyfranogiad mewn Addysg a Hyfforddiant ôl-16 yn rhoi data am gyfranogiad cenedlaethol a rhanbarthol dysgwyr sy’n byw yng Nghymru (ac eithrio dysgwyr mewn Addysg Uwch) sydd wedi ymgofrestru yn ystod blwyddyn academaidd 2006/07.

Dyma bwyntiau allweddol y bwletin:

• Roedd amrywiaethau daearyddol o bwys mewn cyfranogiad ôl-16 yn 2006/07.
• Yr awdurdodau unedol a oedd â'r graddfeydd cyfranogiad safonol uchaf ymhlith dysgwyr ôl-16 oedd Sir y Fflint, Castell-nedd Port Talbot a Sir Ddinbych.
• Yr awdurdodau unedol a oedd â'r graddfeydd cyfranogiad safonol isaf ymhlith dysgwyr ôl-16 oedd Sir Fynwy, Powys a Cheredigion.
• Roedd gwahaniaethau clir rhwng ardaloedd o gyfranogiad safonol uchel a chyfranogiad safonol isel, a rhwng menywod a dynion. Fodd bynnag, yn genedlaethol, roedd lefel y cyfranogiad yn uwch ymhlith dysgwyr ôl-16 benywaidd.
• Roedd y raddfa cyfranogiad gyffredinol ar ei huchaf ymhlith dysgwyr dan 20 oed. Gellir ystyried bod hyn yn digwydd oherwydd bod dysgwyr yn symud yn naturiol o addysg orfodol i'r chweched dosbarth, sefydliadau addysg bellach a dysgu'n seiliedig ar waith.

Mae rhagor o wybodaeth ar gael ar wefan Ystadegau ar gyfer Cymru.