Mae’r Gwasanaeth Derbyniadau i Brifysgolion a Cholegau (UCAS) wedi cyhoeddi ffigurau diwedd-y-flwyddyn dros dro ar gyfer mynediad i addysg uwch yn y DU yn 2008.

Dyma ganlyniadau allweddol y ffigurau mynediad ar gyfer 2008:

• Cafodd cyfanswm o 451,871 o ymgeiswyr eu derbyn i gyrsiau gradd amser llawn, cyrsiau gradd sylfaenol a chyrsiau HND, ledled y DU, a oedd yn dechrau yn yr hydref 2008. Roedd hyn 10 y cant yn uwch(1) nac ar yr un adeg llynedd.
• Derbyniwyd 18,275 o ymgeiswyr sy'n hanu o Gymru, cynnydd o'i gymharu â llynedd (17,296). O'r ymgeiswyr sy'n hanu o weddill y DU, bu cynnydd yn y nifer o ymgeiswyr Saesneg a dderbyniwyd (11 y cant), ac o Gogledd Iwerddon (3 y cant), tra bod gostyngiad yn y nifer o ymgeiswyr Albanaidd a dderbyniwyd (3 y cant).
• Roedd cynnydd o 7 y cant yn nifer yr ymgeiswyr sy'n hanu o Gymru a dderbyniwyd yn sefydliadau Cymraeg, a chynnydd o 3 y cant yn y nifer o ymgeiswyr sy'n hanu o Gymru a dderbyniwyd i sefydliadau yn Lloegr.
• Cafodd 69 y cant o ymgeiswyr sy'n hanu o Gymru eu derbyn i sefydliadau yng Nghymru, yr un canran ac yn 2007.
• Cafodd 23,118 o ymgeiswyr o'r DU, gwledydd eraill yr Undeb Ewropeaidd (UE) a thramor eu derbyn i sefydliadau yng Nghymru, sydd yn cynrychioli cynnydd o 4 y cant o'i gymharu â llynedd.
• Ar y cyfan gostyngodd y nifer o ymgeiswyr o weddill y DU a dderbyniwyd i sefydliadau yng Nghymru (gan 0.5 y cant).
• Cynnyddodd y nifer o ymgeiswyr o wledydd eraill yr UE(2) a dderbyniwyd i sefydliadau yng Nghymru 5 y cant o'i gymharu â chynnydd o 3 y cant mewn sefydliadau dros y DU.

Mae rhagor o wybodaeth ar gael ar wefan Ystadegau ar gyfer Cymru.