Fe wnaeth y Swyddfa Ystadegau Gwladol (ONS) yn ddiweddar gyhoeddi setiau data cartrefi o’r Arolwg Poblogaeth Blynyddol am y tro cyntaf. Y mae’r setiau data hyn yn cwmpasu’r blynyddoedd 2004 i 2007, ac y maent yn galluogi cynnal dadansoddiadau ar lefel Awdurdodau Lleol.
Y mae’r prif ddadansoddiadau y gellir eu gwneud yn awr ar y lefel hon ar gyfer pobl mewn cartrefi di-waith, plant mewn cartrefi di-waith, rhieni unigol a deiliadaeth tŷ.
Y mae’r prif ganlyniadau oddi wrth ystadegau’r Swyddfa Ystadegau Gwladol yn dangos mai yn 2007, yr oedd 18.5 y cant o’r holl gartrefi oedran gweithio yng Nghymru yn ddi-waith. Y mae hyn yn cymharu gyda 15.6 y cant o’r holl gartrefi oedran gweithio yn y Deyrnas Unedig.
Y mae rhagor o wybodaeth ar gael oddi wrth wefan Ystadegau Cymru.