Mae Llywodraeth Cynulliad Cymru wedi cyhoeddi ystadegau bywyd ar gyfer Cymru, yn cynnwys nifer y genedigaethau a'r marwolaethau.

Dyma bwyntiau allweddol y datganiad diweddaraf:

• Roedd tua 34,400 o enedigaethau byw yn 2007, i fyny o 33,600 yn 2006. Roedd mwy na hanner (54 y cant) y genedigaethau hyn y tu allan i briodas, un pwynt canran yn uwch nag yn 2006 (53 y cant).
• Roedd 171 (dros dro) o farwenedigaethau yn 2007, i lawr o 172 yn 2006.
• Yn 2007, cyfartaledd o 1.90 plentyn y fenyw oedd yr amcangyfrif o'r Cyfanswm Cyfradd Ffrwythlondeb, i fyny o 1.86 yn 2006.
• Yn 2007, roedd 182 o farwolaethau ymysg babanod o dan un oed, i fyny o 139 yn 2006. Roedd y gyfradd gyfatebol o ran marwolaethau babanod yn 2007 yn 5.3 o farwolaethau i bob mil o enedigaethau byw, uwch na 4.1 y cant yn y flwyddyn flaenorol.
• Roedd cyfanswm o oddeutu 32,100 o farwolaethau yn 2007, sy'n is na'r ffigur ar gyfer 2006, sef 31,100.

Fe ellir lawrlwytho’r datganiad llawn oddi ar wefan Ystadegau ar gyfer Cymru.