Mae Llywodraeth Cynulliad Cymru wedi cyhoeddi ystadegau am iechyd pobl yng Nghymru ac am eu ffordd o fyw sy'n gysylltiedig ag iechyd yn seiliedig ar ddata o Arolwg Iechyd Cymru 2007.

Mae’r prif bwyntiau o'r adroddiad diweddaraf yn cynnwys:

• Dywedwyd bod gan 69% o blant iechyd cyffredinol da iawn, roedd gan 25% iechyd da, ac roedd gan 6% iechyd gweddol.
• Dywedwyd bod gan 20% o blant salwch hirdymor, gan gynnwys 7% â salwch hirdymor cyfyngol.
• Amcangyfrifwyd bod 36% o blant yn rhy drwm neu'n ordew, gan gynnwys 20% yn ordew.
• Dywedwyd bod 55% o blant wedi gwneud ymarfer corff am o leiaf un awr ar bum diwrnod neu mwy o’r wythnos flaenorol, yn cynnwys 37% a oedd yn gwneud pob diwrnod.
• Dywedwyd bod 60% o blant yn bwyta ffrwythau pob diwrnod, a 49% yn bwyta llysiau pob diwrnod.

Fe ellir lawrlwytho’r datganiad llawn oddi ar wefan Ystadegau ar gyfer Cymru.