Dyma'r prif bwyntiau o'r datganiad diweddaraf:

• Mae canran y disgyblion 15 oed a gofrestrwyd ar gyfer o leiaf un TGAU iaith fodern wedi disgyn bob blwyddyn o 41 y cant yn 1999 i 28 y cant yn 2007.
• Roedd cyfran y cofrestriadau TGAU mewn ieithoedd modern a arweiniodd at radd A*-C yn 76 y cant yn 2007 o'i gymharu â 67 y cant yn 1999.
• Yn 2007, roedd 68 y cant o'r cofrestriadau mewn ieithoedd modern dramor mewn Ffrangeg, o'i gymharu â 73 y cant yn 1999. Gwelwyd cynnydd yn y gyfradd o gofrestriadau mewn Sbaeneg gyda 12 y cant yn 2007 o'i gymharu â 5 y cant yn 1999.
• Roedd cyfran y cofrestriadau safon uwch mewn ieithoedd modern a arweiniodd at radd A-C yn 78 y cant yn 2007 o'i gymharu â 70 y cant yn 2001.
• Yn 2007, roedd 63 y cant o'r cofrestriadau mewn ieithoedd modern dramor mewn Ffrangeg o'i gymharu â 64 y cant yn 2001.

Fe ellir lawrlwytho’r bwletin oddi ar wefan Ystadegau ar gyfer Cymru.