Mae Barnardo’s wedi cyhoeddi papur gwybodaeth ar ddarpariaeth iechyd meddwl i bobl ifanc yng Nghymru.

Mae’r ddogfen hon yn tynnu sylw at yr anawsterau y mae llawer o bobl ifanc ag anghenion iechyd meddwl yn eu hwynebu, y broblemau sydd ynghlwm wrth bontio rhwng gwasanaethau ac effeithiau tymor hir yr allgáu cymdeithasol sy’n rhan o’u bywydau, o ganlyniad i beidio â derbyn cefnogaeth briodol ar yr adeg holl bwysig hon yn eu bywydau. Mae’r ddogfen hefyd yn cynnwys gwybodaeth am y cyd-destun polisi cyfredol yng Nghymru ac mae’n amlinellu atebion mewn ymarfer i wella’r ddarpariaeth bresennol.

Mae’r argymhellion y gofynnir i Lywodraeth Cynulliad Cymru, Aelodau’r Cynulliad a darparwyr gwasanaethau iechyd meddwl roi sylw iddynt yn cynnwys:

• Datrys problem pobl ifanc yn cael eu heithrio o wasanaethau iechyd meddwl o ganlyniad i gamddefnyddio sylweddau a phroblemau eraill
• Darparu gwasanaethau cyfannol sy’n canolbwyntio ar bobl ifanc a sicrhau bod digon o adnoddau ar eu cyfer
• Rhoi diwedd ar yr arfer o roi’r glasoed ar wardiau oedolion
• Cynnwys pobl ifanc mewn cynllunio gwasanaethau, hyfforddiant proffesiynol a chefnogaeth cyfoedion.

Cliciwch yma i lawrlwytho’r papur gwybodaeth.