Mae Grŵp Monitro Confensiwn y Cenhedloedd Unedig ar Hawliau’r Plentyn wedi cyhoeddi adroddiad ar hawliau plant yng Nghymru, i nodi 18fed pen-blwydd CCUHP.

Mae’r adroddiad, Aros, edrych, gwrando: sut mae gwireddu hawliau plant yng Nghymru yn datgelu bod Cymru wedi cymryd camau breision ymlaen ym maes hawliau plant, ond mae rhagor i’w wneud eto.

Mae’r adroddiad yn llongyfarch y Llywodraeth Cynulliad Cymru am:

• Fabwysiadu Confensiwn y Cenhedloedd Unedig ar Hawliau’r Plantyn yn sail i’w holl benderfyniadau ynglŷn â phlant a phobl ifanc.
• Barhau i gefnogi strwythurau hawliau plant, er enghraifft y Ddraig Ffynci a Chomisiynydd Plant Cymru.
• Gymryd cam dewr ac egwyddorol yn erbyn cosbi plant yn gorfforol, yr unig lywodraeth o fewn y DU i wneud hynny.
• Wneud cynnydd wrth gydnabod pwysigrwydd hawliau plant i chwarae, yr unig lywodraeth o fewn y DU sydd â pholisi chwarae cenedlaethol a chynllun gweithredu polisi chwarae.

Fodd bynnag, mae’r adroddiad yn nodi’r isod fel pryderon allweddol:

• Bod 28% o blant Cymru yn byw mewn tlodi (tua 170,000 o blant).
• Bod cyrhaeddiad addysgol plant sy’n derbyn gofal yn isel.
• Bod plant anabl yn ofidus nad yw eu llais yn cael ei ystyried yr un mor ddifrifol â phlant eraill, a’u bod nhw’n cael trafferth defnyddio gwasanaethau maen nhw wironeddol eu hangen. 
• Gan blant Sipsiwn/Teithwyr mae’r disgwyliad oes gwaethaf o unrhyw grŵp ethnig yng Nghymru.
• Mae gwasanaethau iechyd meddwl plant mewn sefyllfa argyfyngus.

Mae’r adroddiad ar gael i lawr-lwytho oddi wrth wefan Achub y Plant.

Mae mwy o wybodaeth ar y Confensiwn ar adran Confensiwn y CU y wefan hon.