Cyhoeddwyd adroddiad o’r Adolygiad o Ddiogelu Plant sy’n Agored i Niwed ar y 3^ydd o Fai 2006. Fe sefydlwyd yr adolygiad i asesu cynnydd y ddarpariaeth o wasanaethau gyferbyn â pholisïau a chanllawiau a mentrau eraill a wnaed gan Lywodraeth Cynulliad Cymru yn y blynyddoedd diwethaf.  Fe gafodd ymchwil ac adroddiadau perthnasol hefyd eu harchwilio yn yr Adolygiad.

Y mae’r adolygiad yn nodi rhai o’r mentrau cadarnhaol drwy Gymru i gyd, yn ogystal â chanolbwyntio ar y gwaith a erys i’w wneud.  Fe amlygir y meysydd a ganlyn yn yr adroddiad fel meysydd y mae angen rhoi sylw iddynt:

• gwell cynllunio ar y ddarpariaeth o wasanaethau, costiad cywir, cyllido realistig a gwelliant mewn logisteg gweithredu
• rôl wedi’i chryfhau ar gyfer y Gweinidog dros Blant
• y mae angen pwyllgor craffu materion plant gyda grymoedd i archwilio materion sy’n effeithio ar blant
• anghysondebau o fewn a rhwng cyfundrefnau a gwasanaethau sy’n effeithio ar blant
• y mae angen cael cysondeb o ran lefel ac ansawdd gwasanaethau ar gyfer plant ledled Cymru 
• fe ddylai gwasanaethau iechyd meddwl ar gyfer y sawl y mae arnynt eu hangen, gan gynnwys plant sydd wedi’u cam-drin, fod yn y mae angen canfod plant sy’n agored i niwed sydd wedi’u cam-drin yn gorfforol ac yn emosiynol, ac ymateb iddynt yn gynharach.  

Y mae’r argymhellion a wnaed gan yr Adolygiad yn ymdrin â gwasanaethau statudol a gwirfoddol ar gyfer plant ac y maent yn cael eu nodi fel amryw o heriau.  Y mae’r heriau hyn yn cynnwys:

• adeiladu ar fentrau sy’n rhoi plant yng nghanol datblygiad polisi a gwasanaethau sy’n effeithio arnynt
• rhoi sylw i agweddau dryslyd ac anghyson y cyhoedd tuag at blant yn ein cymdeithas
• gwella lefelau, sefydlogrwydd, hyder, cymhwysedd, cefnogaeth a boddhad gwaith y gweithlu
• datblygu a gweithredu gweledigaeth a strategaeth integredig hirdymor sicr ar gyfer gwasanaethau cyson ar gyfer plant sy’n agored i niwed
• adolygu, gwerthuso a symleiddio cydbwysedd buddsoddiad mewn gwasanaethau ar gyfer plant ac atgyfnerthu a sefydlogi ffrydiau cyllido
• datblygu gallu mwy effeithiol ar gyfer canfod ac ymateb i beryglon sy’n codi i blant sy’n agored i niwed.

Y mae fersiwn ar gyfer plant a phobl ifanc o’r adroddiad hefyd ar gael.

Cliciwch yma i gael golwg ar dudalen we y Cunulliad ar yr adolygiad.