Yn ei Adroddiad Blynyddol cyntaf, fe wnaeth Comisiynydd Plant Cymru amlinellu'r meysydd a'r pynciau y gwnaeth plant a phobl ifanc a gysylltodd â'i swyddfa eu hamlygu fel materion o bwys iddynt hwy. Un o'r pynciau hyn oedd cyflwr toiledau ysgolion. Y mae'r adroddiad hwn yn cyflwyno gwybodaeth am faint ac ansawdd yr wybodaeth a gasglwyd gan blant a phobl ifanc ledled Cymru. Y mae hyn yn cynnwys manylion yr ymatebion i holiadur a anfonwyd allan ym mis Mai, 2002. Fe wnaeth 708 o blant ymateb i'r holiadur ac yr oedd pob un o'r 22 o ardaloedd yr awdurdodau lleol yng Nghymru yn gysylltiedig. Y mae'r adroddiad hefyd yn darparu gwybodaeth gefndirol yn ymwneud â'r mater gan gynnwys canfyddiadau ymchwil ac amlinelliad o ddyletswyddau a chyfrifoldebau'r Cynulliad, Awdurdodau Addysg Lleol, staff yr ysgolion, Cyrff Llywodraethu ac Estyn (Arolygiaeth Ei Mawrhydi dros Addysg a Hyfforddiant yng Nghymru). Yn olaf, y mae'r adroddiad yn cyflwyno cyfres o argymhellion ar gyfer Llywodraeth Cynulliad Cymru, ar gyfer Cyrff Llywodraethu Ysgolion, Awdurdodau Addysg Lleol ac Estyn. Fe ellir cael copïau o'r adroddiad oddi wrth: Comisiynydd Plant Cymru Oystermouth House Charter Court Heol Phoenix Llansamlet Abertawe SA7 9FS Ffôn: 01792 765600 Ffacs: 01792 765601 E-bost: post@childcomwales.org.uk Neu Comisiynydd Plant Cymru Penrhos Manor Oak Drive Bae Colwyn Conwy LL29 7YW Ffôn: 01492 523333 Ffacs: 01492 523336