Y mae’r Comisiwn Cydraddoldeb a Hawliau Dynol wedi cyhoeddi’r adroddiad o’u hymchwiliad i hawliau dynol.
Fe wnaeth yr Ymchwiliad, a lansiwyd ym mis Ebrill 2008, edrych ar i ba raddau y mae awdurdodau’r sector cyhoeddus wedi mabwysiadu ymagweddiad yn seiliedig ar hawliau tuag at ddarparu gwasanaethau. Fe ganfuwyd mai ble’r rhoddwyd hawliau dynol wrth graidd darparu gwasanaethau cyhoeddus, fe wnaethant gyflawni canlyniadau llwyddiannus.
Fe wnaeth yr Ymchwiliad hefyd edrych ar y canfyddiad o hawliau dynol mewn cymdeithas. Yn ôl arolwg Ipsos MORI o bron 2,000 o oedolion, a gomisiynwyd fel rhan o’r Ymchwiliad, fe ddywedodd 84 y cant o bobl eu bod eisiau i hawliau dynol gael eu hymgorffori yn y gyfraith iddynt hwy’u hunain a’u teuluoedd, ac yr oedd 81 y cant o bobl yn gweld hawliau dynol fel rhywbeth pwysig i greu cymdeithas decach.
Y mae’r adroddiad ar gael i’w lawrlwytho oddi ar wefan y Comisiwn Cydraddoldeb a Hawliau Dynol.