Y mae Clymblaid yr Elusennau Plant ar Ddiogelwch ar y Rhyngrwyd (CHIS) yn galw am atal unigolion sy’n edrych ar ac yn rhannu delweddau anweddus o blant mewn ymgyrch newydd ynglŷn â diogelwch ar y rhyngrwyd.

Y mae’r Glymblaid wedi paratoi ‘maniffesto digidol’ y maent yn ei anfon at yr holl bleidiau gwleidyddol a gynrychiolir yn Senedd San Steffan, Cynulliadau Cymru a Gogledd Iwerddon a Senedd yr Alban.

Y mae’r maniffesto’n cynnwys 42 o argymhellion i Lywodraeth y Deyrnas Unedig, diwydiant ac eraill i roi gwell amddiffyniad i blant ar-lein.

Y mae’r Maniffesto yn galw ar i Lywodraeth y Deyrnas Unedig a diwydiant ymchwilio a dyfeisio cynllun gweithredu i atal gwylio a dosbarthu delweddau o blant yn cael eu cam-drin gan ddefnyddio meddalwedd rhannu ffeiliau ‘cyfoedion i gyfoedion’. Y mae argymhellion eraill yn cynnwys:

• amddiffyn plant sy’n defnyddio’r rhyngrwyd ar eu ffonau symudol;
• sicrhau bod gwefannau rhwydweithio cymdeithasol yn gwneud popeth y gallant i amddiffyn defnyddwyr ieuainc;
• rhagddarparu a rhagosod meddalwedd diogelwch plant o flaen llaw;
• cefnogaeth i weithwyr proffesiynol;
• a gwasanaethau therapiwtig ar gyfer plant sydd wedi’u cam-drin yn rhywiol.

Y mae rhagor o wybodaeth ar gael ar wefan CHIS.