Y mae arolwg a gomisiynwyd gan Barnardo’s yn dangos bod bron hanner oedolion yn credu bod plant yn beryglus.

Fe ganfu’r arolwg o 2,021 o oedolion y Deyrnas Unedig fod 49 y cant yn credu bod plant yn berygl i eraill ac iddynt eu hunain.

Fe ddangosodd yr arolwg hefyd fod:

• ychydig o dan hanner (49%) o bobl yn cytuno bod plant yn gynyddol yn berygl i’r naill a’r llall ac i oedolion;
• 43% yn cytuno bod yn rhaid gwneud rhywbeth i’n diogelu ni rhag plant;
• mwy na thraean (35%) o bobl yn cytuno ei bod hi’n teimlo’r dyddiau hyn fel pe bae plant yn bla ar y strydoedd;
• 45% o’r cyhoedd yn cytuno bod pobl yn cyfeirio at blant fel ‘gwyllt’ oherwydd eu bod yn ymddwyn yn y ffordd hon;
• bron hanner o bobl (49%) yn anghytuno gyda’r datganiad bod plant sy’n mynd i drafferth yn aml yn cael eu camddeall a bod arnynt angen cymorth proffesiynol.

Ochr yn ochr â’r arolwg, y mae Barnardo’s wedi lansio adroddiad, Breaking the Cycle, a ddywedodd mai plant sy’n ymwneud ag ymddygiad anghyfreithiol a gwrthgymdeithasol oedd y rhai yr oedd arnynt fwyaf o angen cefnogaeth.

Y mae rhagor o wybodaeth ar gael ar wefan Barnardo’s.