Y mae Sefydliad Joseph Rowntree wedi cyhoeddi ymchwil sy’n dweud bod tlodi ymysg plant yn gosod cost fawr ar drethdalwyr ac yn gostwng potensial economaidd y Deyrnas Unedig.
Y mae’r adroddiad yn amcangyfrif bod:
Gwariant cyhoeddus i ymdrin â chanlyniadau tlodi ymysg plant oddeutu £12 biliwn y flwyddyn, ac y mae tua 60 y cant ohono’n cael ei wario ar wasanaethau cymdeithasol personol, addysg ysgol, a’r heddlu a chyfiawnder troseddol.
Cost flynyddol cyfraddau cyflogaeth a lefelau enillion sy’n is na’r cyfartaledd ymysg oedolion a dyfodd i fyny mewn tlodi yw tua £13 biliwn, ac y mae £5 biliwn ohono’n cynrychioli taliadau budd-daliadau ychwanegol a llai o refeniw trethi; y mae’r £8 biliwn sy’n weddill yn enillion y mae unigolion wedi’u colli, sy’n effeithio ar gynnyrch mewnwladol crynswth (GDP).
Y casgliad yw bod tlodi ymysg plant yn costio o leiaf £25 biliwn y flwyddyn i’r wlad.
Fe ellir lawrlwytho’r adroddiad oddi ar wefan Sefydliad Joseph Rowntree.