Y mae’r Asiantaeth Genedlaethol Ieuenctid wedi cyhoeddi adroddiad ar rôl safleoedd rhwydweithio cymdeithasol mewn gwaith ieuenctid.

Yn ôl yr adroddiad, fe ddylai gwaith ieuenctid ymestyn y tu hwnt i glybiau a phrosiectau traddodiadol, a chynorthwyo pobl ifanc i ymdrin â chyfleoedd a pheryglon, fel ei gilydd, cymunedau ar-lein newydd.

Y mae’r adroddiad, ‘Gwaith Ieuenctid a Rhwydweithio Cymdeithasol’, wedi’i seilio ar adolygiad o’r llenyddiaeth bresennol, arolwg ar-lein cenedlaethol o’r gweithlu ieuenctid, ac ymchwil gweithredu gyda thri o wasanaethau ieuenctid.

Fe ellir lawrlwytho’r adroddiad oddi ar wefan yr Asiantaeth Genedlaethol Ieuenctid .