Y mae Barnardo’s wedi cyhoeddi adroddiad sy’n rhybuddio bod mwy o blant rhwng 10 a 14 mlwydd oed yn cael eu rhoi dan glo yng Nghymru a Lloegr – yn gynyddol am droseddau llai – nag mewn unrhyw wlad yng ngorllewin Ewrop.

Y mae’r cynnydd wedi dod er gwaethaf y ffaith nad oes yna gynnydd arwyddocaol wedi bod mewn troseddau difrifol gan blant dros yr un cyfnod, ac y mae wedi arwain at hepgor pobl ifanc fel methiant erbyn eu bod yn 12 oed, yn ôl yr adroddiad ‘Locking up or giving up – is custody for children always the right answer?’

Yn ôl yr adroddiad, fe all dal plentyn yn y ddalfa am flwyddyn gostio cymaint â £185,780, ac y mae yn aml yn aneffeithiol – fe wna 78% o blant 10 i 14 mlwydd oed aildroseddu o fewn 12 mis o gael eu rhyddhau.