Mae Estyn, yr arolygiaeth addysg a hyfforddiant yng Nghymru, wedi cyhoeddi adroddiad heddiw ar y modd y mae Addysg ar gyfer Datblygiad Cynaliadwy a Dinasyddiaeth Fyd-Eang (ADCDFE) yn cael ei chyflwyno gan ddarparwyr dysgu oedolion yn y gymuned a gweithwyr ieuenctid yng Nghymru.

Er bod bron pob darparwr yn cynnwys dysgwyr mewn elfennau ar ddatblygiad cynaliadwy a dinasyddiaeth fyd-eang, canfu arolygwyr nad oes gan lawer o ddarparwyr ddealltwriaeth glir a chyson o ddiffiniad na diben ADCDFE, nac o’r rhyngberthynas rhwng datblygiad cynaliadwy a dinasyddiaeth fyd-eang.

Fe ellir lawrlwytho’r adroddiad oddi ar wefan Estyn.